हृदयातील सद्गुरुंशी संवाद

👏👏👏

मधलं पान

माझं हे मधलं पान मला खूप काही देतं असतं - शिकवीत असतं. काही वेळापूर्वी मला म्हणालं की, कुठंही लांबवर शोधायला जायची गरज नाही. शांत बस आणि डोळे मिटून घे. मनात येणारे विचार येवू देतं, रोखू नकोस विचारांना. जसे विचार येतील तसेच विचार विलीन होतील.

*आता हृदयातील सद्गुरुंशी संवाद साधायचा आहे. तुझे सद्गुरु तुझ्या हृदयात वास करून आहेत - निवास करून आहेत. त्यांना शोधायची तुला गरज नाही, तुलाच त्यांनी शोधलंय नी तुझ्या हृदयात वास करून आहेत.*

शिष्यानी सद्गुरु शोधत फिरायचं नसतं तर सद्गुरुच योग्य शिष्यांची निवड करीत असतात.

*हृदयस्थ सद्गुरुंशी संवाद साधण्याची वेळ आता आली आहे. बघ सद्गुरु तुझी आतुरतेने वाट पहात आहेत. विनम्र होवून त्यांच्या चरणावर अहंकार समर्पित करून लीन हो, एकरूप हो, सर्वकाही तुला देणार आहेत. एकरूपता प्राप्त होताच संवादही होईल सद्गुरुंशी. नामात राहून सद्गुरुंच्या चरणी रहा, मरणानंतरची मुक्ती अनुभवण्यापेक्षा जिवंतपणी मुक्तीची अनुभूती घे कारण सद्गुरुच ही अनुभूती देतात. लागता ओढ सद्गुरुंच्या भेटीची, जाणीव होतं असते हृदयस्थ सद्गुरुंची. एक लक्षात येतंय की सद्गुरुंविना जीवन नाही - आयुष्य नाही. खरं ना, पटतंय ना.*

*जय श्री सद्गुरू माऊली*

साभार:  श्री. प्रदीप नरहरि केळकर